អាជីពក្រោយពេលបញ្ចប់ការសិក្សា

ក្រោយពេលនិស្សិតបញ្ចប់ការសិក្សាដោយជោគជ័យនិស្សិតនឹងទទួលបាន ការងារអាជីពទៅតាមជំនាញដូចខាងក្រោម៖

ជំនាញ នីតិសាស្ដ្រ

        ក្រោយពីទទួលបានបរិញ្ញាបត្រនីតិសាស្ដ្រ អ្នកសិក្សាអាចទទួលបាននូវឱកាសការងារដូចខាងក្រោម៖

• អាចប្រលងចូលជាមន្ដ្រីរាជ ឬតាមក្រសួងសាម៉ី
• ជាមន្ដ្រីនៅតាមលេខាធិការដ្ឋានរដ្ឋបាលសាលាដំបូង និងអគ្គលេខាធិការដ្ឋានរដ្ឋបាលសាលាជម្រះក្ដី ជាន់ខ្ពស់
• ជាមន្ដ្រីជំនួយការ ឬលេខាធិការឱ្យចៅក្រម ព្រះរាជអាជ្ញា ឬមេធាវី
• អាចប្រឡងចូលជាសិស្សវិជ្ជាជីវៈច្បាប់នានា ដូចជា ចៅក្រម ព្រះរាជអាជ្ញា ក្រឡាបញ្ជី សារការី មេធាវី អាជ្ញាសាលា
• អាចក្លាយជា ទីប្រឹក្សា ជានគរបាល ជាសាស្ដ្រាចារ្យ ជាអាជ្ញាកណ្ដាល ជាសន្ធានការី ជាមជ្ឈត្តករ។ មុខជំនាញផ្សេងៗ នីតិសាស្ត្រ រដ្ឋបាលសាធារណៈ វិទ្យាសាស្ត្រនយោបាយនិងទំនាក់ទំនង

ជំនាញ រដ្ឋបាលសាធារណៈ

        បន្ទាប់ពីទទួលបានបរិញ្ញាបត្រផ្នែករដ្ឋបាលសាធារណៈ និស្សិតអាចទទួលបានឱកាសការងារដូចខាងក្រោម៖

• ការប្រឡងចូលបម្រើការងារជាមន្ត្រីរាជការ៖ អាចប្រឡងចូលធ្វើជាមន្ត្រីរាជការតាមរយៈសាលារដ្ឋបាលខេត្ត ឬក្រសួងពាក់ព័ន្ធ ក្នុងនាមជាសិស្សមន្ត្រីរដ្ឋបាល ឬសិស្សមន្ត្រីជាន់ខ្ពស់។
• មន្ត្រីជំនួយការ ឬលេខាធិការ៖ អាចធ្វើជាមន្ត្រីជំនួយការ ឬលេខាធិការជូនថ្នាក់ដឹកនាំស្ថាប័ន។
• មន្ត្រីសាធារណៈ ឬថ្នាក់ដឹកនាំស្ថាប័ន៖ អាចក្លាយជាមន្ត្រីសាធារណៈ (អភិបាល ឬអភិបាលរង នៅថ្នាក់រាជធានី ខេត្ត ក្រុង ស្រុក ខណ្ឌ) ឬជាថ្នាក់ដឹកនាំស្ថាប័ន។
• ទីប្រឹក្សា រៀបចំគោលនយោបាយ ឬសាស្ត្រាចារ្យ៖ អាចបម្រើការជាទីប្រឹក្សា អ្នករៀបចំគោលនយោបាយ ឬជាសាស្ត្រាចារ្យ។
• អ្នករដ្ឋបាលក្នុងស្ថាប័នឯកជន៖ អាចធ្វើការជាអ្នករដ្ឋបាលនៅក្នុងស្ថាប័នឯកជនផ្សេងៗ។
• អ្នកពិគ្រោះយោបល់ ឬអ្នកសម្របសម្រួល៖ អាចធ្វើជាអ្នកពិគ្រោះយោបល់ (Consultant) ឬជាអ្នកសម្របសម្រួល (Mediator)។